2026-cı ildə qlobal neft bazarında rekord təklif profisiti gözlənilir adır

2026-cı ildə dünya neft bazarında hasilatın artması və tələbat artımının zəifləməsi fonunda rekord həddə təklif profisiti yaranacaq, Beynəlxalq Enerji Agentliyinin (BEM) avqust hesabatında deyilir. Bu barədə Bloomberg xəbər verir.

Agentliyin məlumatına görə, dünya üzrə neft ehtiyatları sutkada 2,96 milyon barel sürətlə artacaq, 2024 və 2025-ci illərdə tələbatın artımı isə 2023-cü illə müqayisədə iki dəfədən çox aşağı olacaq. Avqust ayında xam neft hasilatı tarixi maksimuma – sutkada 85,6 milyon barelə yaxınlaşacaq.

2024-cü ildə qlobal təklif əvvəlki 2,1 milyon barel proqnozu əvəzinə 2,5 milyon barel/sutka artacaq, 2025-ci ildə isə əlavə olaraq 1,9 milyon barel/sutka yüksələcək.

BEM bildirir ki, Rusiya və ya İrana qarşı yeni sanksiyalar tətbiq edilərsə, vəziyyət dəyişə bilər.

Bu il dünya üzrə neft istehlakı sutkada cəmi 680 min barel artacaq – bu, 2019-cu ildən bəri ən aşağı göstəricidir. 2026-cı ildə isə artım 700 min barel/sutka olacaq.

Agentlik proqnozlaşdırır ki, ölkələr fosil yanacaqlardan elektrikli nəqliyyata keçdikcə, onilliyin sonuna qədər qlobal neft tələbatının artımı dayanacaq.

Bu il Londonda Brent markalı neftin qiyməti təxminən 12% azalaraq barel üçün 66 dollara düşüb ki, bu da illərlə davam edən inflyasiyadan sonra istehlakçılara müəyyən rahatlıq gətirib və yanacaq qiymətlərinin azalmasına çalışan ABŞ prezidenti Donald Tramp üçün siyasi qələbə sayıla bilər.

Lakin Bloomberg qeyd edir ki, bu tendensiya neft hasil edən şirkət və ölkələrin maliyyə sabitliyinə təhdid yaradır.

N.Təbrizli