2026-cı ilin ilk rübündə qeyri-neft ixracı artıb

Azərbaycan 2026-cı ilin yanvar-martında əsas qeyri-neft məhsullarının ixracını ötən ilin eyni dövrü ilə müqayisədə bir sıra istiqamətlər üzrə artırıb, xüsusilə qızıl və mis məhsullarında kəskin artım qeydə alınıb. Bu barədə İqtisadi İslahatların Təhlili və Kommunikasiya Mərkəzinin məlumatında qeyd olunur.

Hesabat dövründə qızıl ixracı 95,3 milyon dollar təşkil edib ki, bu da 2025-ci ilin eyni dövründəki 65,2 milyon dollardan əhəmiyyətli dərəcədə yüksəkdir.

Mis filizləri və konsentratlarının ixracı isə daha kəskin artaraq 60,8 milyon dollara çatıb, ötən il bu göstərici cəmi 5,2 milyon dollar olub.

Kənd təsərrüfatı məhsulları arasında meşə fındığı ixracı 68,3 milyon dollar olub (2025: 43 milyon dollar), pambıq lifi 57,1 milyon dollar (39,5 milyon dollar) təşkil edib.

Bununla yanaşı, bəzi məhsullar üzrə azalma müşahidə olunub. Pomidor ixracı 45 milyon dollara qədər cüzi artsa da (44,6 milyon dollardan), xurma ixracı 32 milyon dollara enib (32,3 milyon dollardan).

Kimya və sənaye məhsulları üzrə isə karbamid ixracı 28,8 milyon dollardan 47,9 milyon dollara yüksəlib. Eyni zamanda, ilkin formalı polietilen ixracı 28 milyon dollara çatıb (19,1 milyon dollardan).

Digər tərəfdən, ağ şəkər və saxaroza ixracı 27,9 milyon dollardan 6,1 milyon dollara kəskin azalıb.

Gülnar