Paşa Bankın müştəri məmnuniyyəti 27% artıb

Paşa Bankın müştəri məmnuniyyəti 2025-ci ilin yanvarında 48% səviyyəsində olduğu halda, 2026-cı ilin əvvəlində 61%-ə yüksəlib. Bu isə təxminən 27% artım deməkdir. Bunu Paşabankın İdarə Heyətinin sədri, Baş İcraçı Direktoru Cavid Quliyev deyib.

Onun sözlərinə görə, bankın əsas məqsədi müştərilərə daha rahat və komfortlu bankçılıq həlləri təqdim etməkdir.

Cavid Quliyev bildirib ki, bu artım müştəri məmnuniyyətinin yüksəldilməsi, məhsul çeşidinin genişləndirilməsi və ödəniş, eləcə də qeyri-ödəniş həllərinin təkmilləşdirilməsi istiqamətində görülən işlərin nəticəsidir.

Bank rəhbəri qeyd edib ki, müştəri sorğularına cavabvermə sürəti də əhəmiyyətli dərəcədə yaxşılaşıb. Belə ki, daxil olan müraciətlərin 95%-nə 3 saatdan az müddətdə cavab verilir.

Cavid Quliyev əlavə edib ki, elektron poçt vasitəsilə daxil olan müraciətlərin sayı 50% azalıb, eyni zamanda rəqəmsal qərarvermə proseslərində 50%-dən çox optimallaşma əldə olunub.

Aytac