ABB partnyorları ilə görüş keçirib

ABB-nin partnyorları ilə kommunikasiyaların daha da inkişafı, Bankın təqdim etdiyi məhsul və xidmətlər haqqında faydalı rəylərin öyrənilməsi məqsədilə partnyorlarla görüş keçirilib. Görüşdə ABB-nin 80-dən çox partnyoru iştirak edib. Tədbir zamanı Bankın “İndi al, sonra ödə!” xidməti iştirakçılara təqdim edilib. 

Xatırladaq ki, bu, partnyor mağazalarda elə yerindəcə kreditləşmə ilə məhsul alışına şərait yaradan yeni xidmət növüdür. Satıcı Bankın təqdim etdiyi kabinet vasitəsilə müştərini “ABB mobile” tətbiqinə yönləndirir. Müştəri tətbiqdə “İndi al, sonra ödə!” xidmətindən yararlanmaq üçün tələb olunan məlumatları daxil edib tətbiq üzərindən SİMA vasitəsilə sənədlərin imzalanmasını həyata keçirdikdən sonra istədiyi məhsulu alıb, ödənişini hissəli şəkildə ödəyir.

Tədbir zamanı partnyorların bu xidmət haqqında sualları cavablandırılıb. Onların rəy və təklifləri öyrənilib. Müxtəlif təşəbbüslər ətrafında fikir mübadiləsi aparılıb. ABB-nin bir neçə partnyoruna müxtəlif istiqamətlərdə Bankla uzunmüddətli səmərəli tərəfdaşlıq münasibətlərinə görə müvafiq nominasiyalar üzrə mükafatlar təqdim edilib.

Daha sonra ABB-nin İntellektual Klubunun təşkilatçılığı ilə partnyorlar üçün “Nə? Harada? Nə zaman?” formatında intellektual oyun keçirilib. Birinci, ikinci və üçüncü yerin qalibləri mükafatlandırılıb. Görüş işgüzar şam yeməyi ilə başa çatıb.   

ABB-nin müasir, faydalı, universal məhsul və xidmətləri barədə ətraflı məlumatı Bankın filial və şöbələrindən, rəsmi internet səhifəsi //abb-bank.az/, 937 nömrəli Məlumat Mərkəzi və rəsmi sosial şəbəkə səhifələrindən əldə etmək mümkündür.