Bakıda yeni ATS-lər istifadəyə verildi

Nazirlikdən "APA-Economics”ə verilən məlumata görə, Binəqədi qəsəbəsinin yeni salınmış 1 888 abunə tutumu və 256 internet tutumu olan yeni ATS istifadəyə verilib.

 

Bununla yanaşı, Yeni Zığ qəsəbəsində abunə tutumu 1 888 və internet tutumu 928 port, Yeni Balaxanı qəsəbəsində abunə tutumu 1 888 nömrə, internet tutumu 416 port və Nizami rayonunun Q.Qarayev yaşayış massivi sakinləri üçün isə abunə tutumu 1 888 nömrə və internet tutumu 384 port olan NGN tipli ATS-lər quraşdırılıb.

 

Onu da qeyd edək ki, I Avropa Oyunlarını yüksək keyfiyyətli və müasir telekommunikasiya xidmətləri ilə təmin etmək üçün isə Bakı Telefon Rabitəsi İstehsalat Birliyi tərəfindən 100 km-dən artıq kabel-kanalizasiya qurğuları tikilib, 250 km-dən çox kabel çəkilib.