Ermənilərə Bakıda yaşamaq çox çətindir. Deyəsən bu, Ermənistan mətbuatında günün əsas mövzusudur. Kremlin digər rütbəliləri kimi ermənilərə həmişə xüsusi hörmətlə yanaşan məşhur Mixail Qorbaçov SSRİ ali şuasının iclaslarından birində erməni deputatdan belə bir sual soruşmuşdu. İrəvanda əvvəl nə qədər azərbaycanlı yaşayıb?. "Bilmirəm" deyə deputat cavab verib. Bundan sonra Qorbaçox "sizin hazırki yaxtaxtınızda yaşayanların 40 faizi azərbaycanlı idi" deyə öz sualını özü cavablandırıb. Bu gün isə hətta günorta şam işığı ilə belə gəzsən İrəvanda bir azərbaycanlı tapmaq mümkün deyil. Bakıda isə onlara hər küncdə rast gəlmək olar. Hətta anası tərəfindən lənətlənən Cavid Orucovun Ermənistana sığınacaq üçün qaçmasından erməni mətbuatı yeni antiazərbaycan isteriyası yaratdılar - ermənilər üçün Azərbaycanda yaşamaq çox təhlükəlidir. İlahi, bəs məntiq hardadır?. Orucov məgər arvadını Ermənistandan gətirib? Yox. O qadın burada doğulub, böyüyüb və heç nəyə baxmayaraq Bakıda ərə gedib. Bu hələ harasıdır ki? Erməniləri Azərbaycan mətbuatındakı Orucovla bağlı tənqidlər çox narahat edir. Hər bir insan istədiyi yerdə yaşayır. Orucov Ermənistanda yaşamaq istəyir? Qoy yaşasın. Ancaq onun uşaqları yazıqdırlar. Çünki normal uşaqlıqdan məhrum olublar və gələcəkdə öz soyadlarına görə çox şeyə dözməli olacaqlar. Bu gün isə on minlərlə erməni milliyətli şəxs bizim ölkəmizdə yaşayır və heç kim onları təqib etmir. Hər gün miqrantların sayının günbəgün artdığı Ermənistandan fərqli olaraq onlardan heç biri öz vətənlərini tərk etməyi düşünmürlər. Çünki Ermənistanın başqa şəhər və kəndləri kimi İrəvandada yaşamaq çox çətin və ağırdır.//Anspress