“Lotu Quli” etiraz edir: “Məni qatmayın”

"Qanuni oğru”, kriminal aləmdə "Lotu Quli” ləqəbi ilə tanınan Nadir Səlifov həbsxanaya göndərilən "proqona” onun da adının yazılmasına etiraz edib.
Virtualaz.org xəbər verir ki, bu barədə "Praym Kraym” nəşri məlumat yayıb.
Belə ki, "Lotu Quli” hazırda həbsxanada cəza çəkən "Artur Molodoy” ləqəbli Artur Atabekyana heç bir dəstək vermədiyini bəyan edib. Həmçinin, adının "proqona” onun izni olmadan yazılmasının izahatını tələb edib.
"Artur Molodoy”un namizədliyini "Kutaisi qruplaşması” dəstəkləyir. "Lotu Quli” də bu qruplaşmaya dəstək verib. Lakin özünün razılığı olmadan adının "proqona” yazılması ciddi narazılığa səbəb olub. O, həmçinin hazırda Rusiyada "qanuni oğru”lara qarşı savaş başlandığını, bu cür müzakirələrin yersiz olduğunu deyib.
"Lotu Quli”nin bu cür reaksiyası "Kutaisi qruplaşması”nın avtoritetlərini məyus edib. N.Səlifovun isə buna reaksiyası belə olub: "Nə istəyirsiniz edin, nə istəyirsiniz yazın, amma məni qatmayın”.
www.anews.az