Anews.az lent.az-a istinadən xəbər verir ki, hadisə "Lotu Quli" kimi tanınan azərbaycanlı avtoritet Nadir Səlifovun evində baş verib. Yemək masası arxasında İlham Hacıyev adlı avtoritetlə mübahisə edən Rəşad İsmayılov bıçaq yarası alıb. Bu hadisədən sonra "Lotu Quli" hər iki tərəfi sakitləşdirib.

Məlumata görə, "Rəşad Gəncinski" İlham Hacıyevin ünvanına nalayiq söz deyib. Bundan sonra, İ.Hacıyev bıçağa əl atıb. Xatırladaq ki, İlham Hacıyev qanuni oğru adı almayıb. Verilən məlumata görə, yaxın günlərdə onun "Lotu Quli" tərəfindən taclandırılacağı gözlənilir.

 

Onu da xatırladaq ki, "Rəşad Gəncinski" Abxaziyanın Suximi şəhərində də bıçaqlanmışdı.