"Borussiya"nın hücumçusu Pyer-Emerik Obameyanq maraqlı fikirləri ilə diqqət çəkib.
Qol.az-ın "goal.com"a istinadən verdiyi məlumata görə, 27 yaşlı futbolçu İspaniyada oynamağı xəyal etdiyini bildirib:
"İspaniyada oynamaq mənim üçün bir xəyaldır. Uşaqlıqdan bəri bu ölkədə oynamağı arzulayıram. Çünki ailəm İspaniyada yaşayır və mən özümü burada çox xoşbəxt hiss edirəm".
Qeyd edək ki, "Borussiya" ilə 2020-ci ilə qədər müqaviləsi olan Obameyanq ötən mövsüm Dortmund təmsilçisinin heyətində keçirdiyi 49 oyunda 39 qol vurub.
www.ann.az
Bizi sosial şəbəkələrdə izləyin !
