Azərbaycana payızın gəlmə vaxtı açıqlanıb.

Azərbaycan Milli Elmlər Akademiyasının (AMEA) Nəsrəddin Tusi adına Şamaxı Astrofizika Rəsədxanasının direktor müavini Elçin Babayev Oxu.Az-a açıqlamasında bildirib ki, bu il payız Azərbaycana sentyabrın 23-ü Bakı vaxtı ilə saat 13:22-də qədəm qoyacaq.

Qeyd edək ki, sentyabrın 22-23-də payız fəsli başlayır. Payız mövsümünün başlaması ilə gecə-gündüz bərabərliyi baş verir. Yəni gecə ilə gündüz 12 saat olmaqla sutka yarıya bölünür.

Artıq bu gündən başlayaraq gecələr uzanmağa, gündüzlər qısalmağa başlayır. İldə bir dəfə payız gecə-gündüz bərabərliyi, bir dəfə isə yaz gecə-gündüz bərabərliyi baş verir.

Yaz gecə-gündüz bərabərliyi martın 21-nə təsadüf edir.