Dövlət Bayrağı Günü ilə əlaqədar Nazirlər Kabineti yanında Dövlət Bayrağı Meydanı Kompleksi İdarəsi və Azərbaycan Velosiped İdmanı Federasiyasının birgə təşkilatçılığı ilə “Bayrağımız qürur mənbəyimizdir!” devizi ilə veloyürüş keçirilir. 

“Qafqazinfo” AzərTAc-a istinadən xəbər verir ki, yürüş noyabrın 9-da Dövlət Bayrağı Meydanından start götürüb. İştirakçılar Bayraq Meydanı-Azneft prospekti-Dəniz limanı-Heydər Əliyev Mərkəzi və əks istiqamətdə hərəkət edəcəklər. 

16,5 kilometrlik yürüş başladığı yerdə - Dövlət Bayrağı Meydanında başa çatacaq. Yürüşdə peşəkar və həvəskarlardan ibarət 200 velosipedçi iştirak edir.

AzerTac