MDB-də islahatlar aparılacaq

Modern.az saytının verdiyi xəbərə görə, bu barədə "Kommersant” qəzeti öz mənbələrinə istinadən məlumat yayıb.   Məlumata görə, Qırğızıstan tərəfi reformların tərəfdarı olsa da,  artıq bu ölkə MDB-də dağıdıcı rolda çıxış etmək istəmir.  

Qəzet yazıb ki, belə dəyişikliklərin təşəbbüskarı Qazaxıstandır.

Diplomatik mənbə deyib ki, Astana MDB-ni  bir-birini təkrar etməyən kompakt təşkilat halına gətirmək istəyir.  

Nəşr yazıb ki, Qazaxıstanın Xarici İşlər Nazirliyi bu məsələ ilə bağlı şərh verməsə də, Astana MDB-ni gərgin regional problemlərin müzakirəsi meydanına çevirmək niyyətindədir.  

Söhbət əsasən, Ukrayna böhranı və Dağlıq Qarabağ münaqişəsindən gedir.  

Rusiya Xarici İşlər Nazirliyinin MDB Ölkələri üzrə 1-ci Departamentinin direktoru Mixail Yevdokimov bildirib ki, sözügedən qurumun təkmilləşdirilməsi üçün mərhələli şəkildə mümkün addımlar atmaq lazımdır.