Rusiya Qarabağa istehkamçılarını da gətirir

Rusiya Silahlı Qüvvələrinin Mərkəzi Hərbi Dairəsinin sülhməramlı briqadasının mühəndis-istehkamçı bölmələrinin hərbçiləri Azərbaycanın Qarabağ bölgəsinə gətirilir.

Anews.az  xəbər verir ki, bu məlumatı Rusiya Müdafiə Nazirliyinin Mətbuat Xidməti yayıb.

Məlumata görə, hərbçilərin nəqli İl-76 təyyarəsi ilə gerçəkləşdirilir. İstehkamçıların Qarabağda ərazilərin, yolların və obyektlərin minalardan təmizlənməsi ilə məşğul olacağı bildirilib.

Partlayış təhlükəsi olan predmetlərin axtarışı və aşkar edilməsində xidməti itlərdən istifadə ediləcəyi qeyd edilib.





www.anews.az