Mirzoyan: Azərbaycanla görüşümüz gözlənilir

Bölgədə sabitlik və sülhün bərqərar olmasında maraqlı olan tərəfdaşlardan Ermənistan və Azərbaycan tərəfləri arasında görüşlərin təşkili ilə bağlı həmişə təkliflər olub, indi də belə təkliflər var və yaxın gələcəkdə görüşlər keçiriləcək. Bunu Ermənistanın xarici işlər naziri Ararat Mirzoyan Milli Assambleyada hökumət saatında deyib.

"Biz keçən ilin sonunda Moskvada keçirilməli olan sonuncu görüşümüzü təxirə saldıq. Bu isə Laçın dəhlizinin ğ bağlanması nəticəsində yaranmış vəziyyətə görə baş verib. Burada "təxirə salınmış” sözü əsasdır. İndi biz görüşləri və müzakirələri bərpa etməyə hazırıq”, - deyə Mirzoyan söyləyib.

Xarici işlər naziri vurğulayıb ki, görüşün təxirə salındığı şəraitdə də danışıqlar prosesi kəsilməyib. Bundan sonra Ermənistan və Azərbaycan tərəfləri artıq bir neçə dəfə sülh sazişi layihəsi ilə bağlı təkliflər mübadiləsi aparıb, birbaşa və ya dolayı müzakirələr aparılıb.


www.anews.az