Saakaşvili növbəti dəfə 4,5 müddətinə həbs edilib

Tbilisi Şəhər Məhkəməsi Gürcüstanın sabiq prezidenti Mixail Saakaşvilini 2021-ci ildə sərhədi qanunsuz keçməkdə ittiham edərək 4,5 il müddətinə azadlıqdan məhrum edib. Bu barədə Gürcüstanın “ TV Pirveli ” telekanalı məlumat yayıb.

Martın 12-də Tbilisi məhkəməsi Saakaşvilini 3,2 milyon dollardan çox büdcə vəsaitini mənimsəməkdə ittiham edərək 9 il müddətinə azadlıqdan məhrum edib. Keçmiş ölkə başçısına qarşı 2014-cü ildə ittiham irəli sürülüb. Gürcüstan Baş Prokurorluğunun məlumatına görə, Saakaşvili büdcə pullarını aşpazın xidmətlərinə, yaxta və avtomobillərin icarəsinə, gödəkçələr, paltolar, saatlar və sinəsi ilə çəkilmiş rəsm, eləcə də botoks və epilyasiya prosedurlarına xərcləyib. Eks-prezidentin özü isə istehza ilə hökmü “sürpriz” adlandırıb. “Gödəkçə işi” siyasətçinin mühakimə olunması ilə başa çatan üçüncü məhkəmə prosesi idi.

Saakaşviliyə qarşı 2007-ci ildə müxalifətin mitinqinin dağıdılması zamanı vəzifə səlahiyyətlərindən sui-istifadə etmə və xüsusi təyinatlıların “İmedi” televiziya şirkətinin ofislərinə basqın etmə, habelə sərhədi qanunsuz keçmək ittihamları ilə bağlı araşdırmalar davam edir. Son iş Saakaşvilinin 2021-ci il oktyabrın 1-də  Tblisidə həbsi ilə bağlı açılıb  : o, Ukraynadan bərə ilə qayıdıb, süd məhsulları daşıyan yük maşınında gizlənib.

Aytac