Məsud Pezeşkian Prezident İlham Əliyevə zəng edib

İran İslam Respublikasının Prezidenti Məsud Pezeşkian dekabrın 23-də Azərbaycan Prezidenti İlham Əliyevə zəng edib.Bu barədə Azərbaycan Prezidentinin Mətbuat Xidməti məlumat yayıb.

Pezeşkian Əliyevi qarşıdan gələn ad günü münasibətilə təbrik edib, ona prezidentlik fəaliyyətində uğurlar və cansağlığı arzulayıb.

Prezident İlham Əliyev göstərilən diqqətə və təbrikə görə minnətdarlığını ifadə edib.

İran Prezidenti əvvəlki səfərlərini və dövlət başçıları arasında aparılan müzakirələri məmnunluqla xatırladığını bildirib. Liderlər 2026-cı ildə əlaqələrin davam etdirilməsi və Azərbaycan-İran dostluq münasibətlərinin gələcək inkişafı barədə müzakirə aparıblar.