Zaxarova AZAL təyyarəsinin qəzaya uğramasını Ukrayna ilə əlaqələndirib

"Azərbaycan Hava Yolları"na (AZAL) məxsus təyyarənin qəzaya uğramasının  “ilkin səbəbi” Ukraynanın pilotsuz uçuş aparatları ilə Rusiyanın mülki infrastruktur obyektlərinə hücumlar olub. Bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

O həmçinin deyib ki,  faciədən bir il ötür və bu münasibətlə Qroznıda qəza qurbanlarının xatirəsinə abidə açılıb.

Rusiya XİN-də qeyd edilib ki, Qazaxıstan tərəfinin Aktau yaxınlığında baş verən qəza ilə bağlı apardığı istintaqın yaxın vaxtlarda yekunlaşacağına ümid edilir.

Bundan sonra Rusiya və Azərbaycan tərəflərinin “bütün qalan sualları bağlaya biləcəyi” bildirilib.

N.Təbrizli