İsrail XİN başçısı Bakıya gəlir

Yanvarın 26-da İsrailin xarici işlər naziri Gidon Saar Azərbaycana işgüzar səfər edəcək.

Səfər çərçivəsində yüksək səviyyəli görüşlərin keçirilməsi, enerji təhlükəsizliyi, hərbi-texniki əməkdaşlıq və kənd təsərrüfatı sahəsində yeni layihələrin müzakirəsi planlaşdırılır.

 Bu səfər qonşu İranda daxili vəziyyətin gərginləşdiyi və ABŞ-ın yeni administrasiyasının  Yaxın Şərq siyasətini sərtləşdirdiyi bir vaxta təsadüf edir.

Azərbaycan və İsrail arasındakı "strateji müttəfiqlik" xüsusilə kəşfiyyat məlumatlarının mübadiləsi və müdafiə sənayesi sahəsində dərinləşir.

Gidon Saar həmçinin Bakıda fəaliyyət göstərən yəhudi icması ilə də görüşəcək.

N.Təbrizli