İsrailin İrana hücumu başlayıb

Yaxın Şərqdə gərginlik kəskin şəkildə artıb. ABŞ İsrailin İrana endirdiyi zərbələrdə iştirak edir.

Bu barədə Associated Press (AP) amerikalı rəsmilərə istinadən xəbər verib. Məlumatda Vaşinqtonun əməliyyatda hansı formada iştirak etdiyi barədə detallara yer verilməyib.

Bundan əvvəl Times of Israel nəşri İsrailin İrana qarşı qabaqlayıcı zərbə endirdiyini yazıb. Məlumata əsasən, bunu İsrailin müdafiə naziri Israel Katz bəyan edib.
Nazirin sözlərinə görə, ölkənin bütün ərazisində dərhal fövqəladə vəziyyət elan olunub.
“İsrail Dövləti ölkəyə qarşı təhdidləri aradan qaldırmaq üçün İrana qabaqlayıcı zərbə endirib”, – o bildirib.

İsrail ərazisində hava həyəcanı siqnalları səsləndirilib. İsrail Müdafiə Ordusunun arxa cəbhə komandanlığı mülki əhalini sığınacaqlara yaxın olmağa çağırıb.
Hadisələrin inkişafı regionda daha genişmiqyaslı qarşıdurma riskini artırır. ABŞ-ın əməliyyatda iştirakının təsdiqlənməsi vəziyyətin beynəlxalq miqyas almasına səbəb ola bilər.