İlham Əliyev Trampa təşəkkür edib

Prezident İlham Əliyev ABŞ Prezidenti Donald Trampa Şuşa Qlobal Media Forumunda səsləndirdiyi fikirləri sosial şəbəkədə paylaşdığına görə təşəkkür edib. Bu barədə Prezidentin sosial media hesablarında paylaşım edilib.

Paylaşımda İlham Əliyev Donald Trampın Azərbaycan və Ermənistan arasında sülh prosesində rolunu yüksək qiymətləndirərək, Şuşa Qlobal Media Forumundakı çıxışında onu "Sülh adamı" adlandırdığını xatırladıb.

Prezident bildirib ki, Vaşinqtonda keçirilmiş tarixi sammitin birinci ildönümünə bir aydan az vaxt qalır və bu münasibətlə Trampa bir daha minnətdarlığını ifadə edib.

"Azərbaycan və Ermənistan arasında davamlı sülhün əldə olunması istiqamətində əvəzsiz rolunuza görə Sizə bir daha səmimi minnətdarlığımı bildirmək istəyirəm. Sizin liderliyiniz regionumuzun sülhə, sabitliyə və rifaha daha da yaxınlaşmasına tarixi töhfə verib", – paylaşımda deyilir.

Donald Tramp daha əvvəl "Truth Social" platformasında İlham Əliyevin Şuşa Qlobal Media Forumunda səsləndirdiyi fikirlərin yer aldığı "Breitbart" nəşrinin məqaləsini paylaşmışdı.