• $
  • €
  • ₽
  • ₺
  • £

Deputatlar və QHT nümayəndələri ABŞ Konqresini 907-ci maddəni ləğv etməyə çağırıblar

Deputatlar və QHT nümayəndələri ABŞ Konqresini 907-ci maddəni ləğv etməyə çağırıblar
10.10.2026 11:30

Azərbaycan parlamentinin 30 deputatı və 11 qeyri-hökumət təşkilatının nümayəndəsi ABŞ senatorlarına və Nümayəndələr Palatasının üzvlərinə məktub göndərərək “Azadlığa Dəstək Aktı”nın 907-ci maddəsinin tam ləğvinə çağırıblar.


Müraciət ABŞ Konqresinin üzvlərinin oktyabrın 5-də Azərbaycanla bağlı göndərdiyi məktuba cavab olaraq yazılıb. Məktubun müəllifləri ABŞ ilə dialoqa və Azərbaycan-Ermənistan arasında davamlı sülhə dəstək verdiklərini bildiriblər.


Onlar 907-ci maddənin “tarixi şəraiti, mövcud geosiyasi reallıqları və Azərbaycan-Ermənistan münasibətlərinin hazırkı vəziyyətini əks etdirmədiyini” qeyd edərək, onun ləğvinin ABŞ-Azərbaycan münasibətlərində yeni mərhələyə dəstək mesajı olacağını yazıblar.


Müraciətdə 2025-ci il avqustun 8-də Vaşinqtonda keçirilən sammit və tərəflərin sülh sazişini paraflaması diplomatik irəliləyiş kimi qiymətləndirilib. Müəlliflər ABŞ Prezidenti Donald Trampın prosesdəki rolunu yüksək qiymətləndirib, TRIPP layihəsinin regionda nəqliyyat və kommunikasiya əlaqələrini gücləndirə biləcəyini bildiriblər.


Məktubda Azərbaycanın keçmiş münaqişə dövründə üzləşdiyi itkilər, itkin düşmüş şəxslər və mina təhlükəsi də vurğulanıb. Müəlliflər ABŞ Konqresini humanitar minatəmizləmə işlərinə və itkin düşmüş şəxslərin taleyinin müəyyənləşdirilməsinə diqqət ayırmağa çağırıblar.


Məktub müəllifləri Konqresin əvvəlki müraciətində saxlanılan şəxslərin “siyasi və hərbi liderlər” adlandırılmasına etiraz edərək, onların Azərbaycanın suveren ərazisində fəaliyyət göstərmiş qanunsuz separatçı qurumun rəhbər vəzifəli şəxsləri olduğunu bildiriblər. Onların sözlərinə görə, məhkəmə proseslərində təqsirləndirilən şəxslərin müdafiə hüququ təmin edilib.


Müəlliflər, həmçinin, təxminən 241 kvadrat kilometr ərazinin Azərbaycanın işğalı altında olan Ermənistan ərazisi kimi təqdim edilməsinə qarşı çıxıblar. Onlar sərhədin mübahisəli hissələrinin delimitasiya və demarkasiya üzrə ikitərəfli proses çərçivəsində müəyyənləşdirilməli olduğunu qeyd ediblər.


Müraciətdə əvvəllər işğal altında olmuş ərazilərdə və Ermənistanda Azərbaycan məscidlərinin, qəbiristanlıqlarının və tarixi abidələrinin dağıdılması və təhqir olunması ilə bağlı iddiaların da nəzərə alınmasına çağırış yer alıb.


Məktub müəllifləri Azərbaycan və Ermənistanın həllini gözləyən məsələləri birbaşa dialoq yolu ilə müzakirə etməli olduğunu, xarici tərəfdaşların isə bu prosesi dəstəkləyə biləcəyini bildiriblər

Twitter
Keçid et
Oxşar xəbərlər
Oxşar xəbərlər
Prezident İlham Əliyev ABŞ-nin daxili təhlükəsizlik nazirini qəbul edib
Siyasət 20:15
Prezident İlham Əliyev ABŞ-nin daxili təhlükəsizlik nazirini qəbul edib
Prezident Jozef Aunu milli bayram münasibətilə təbrik edib
Siyasət 12:57
Prezident Jozef Aunu milli bayram münasibətilə təbrik edib
Azərbaycan Livanı Milli Günü münasibətilə təbrik edib
Siyasət 10:10
Azərbaycan Livanı Milli Günü münasibətilə təbrik edib
Prezident İlham Əliyevin Vyetnama səfəri başa çatıb
Siyasət 22:05
Prezident İlham Əliyevin Vyetnama səfəri başa çatıb
Azərbaycan və Vyetnam prezidentlərinin Birgə Bəyanatı qəbul edilib
Siyasət 18:32
Azərbaycan və Vyetnam prezidentlərinin Birgə Bəyanatı qəbul edilib
Mehriban Əliyeva Vyetnamın birinci xanımı ilə Hanoyda görüşüb
Siyasət 15:35
Mehriban Əliyeva Vyetnamın birinci xanımı ilə Hanoyda görüşüb
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Siyasət 15:17
İlham Əliyev Vyetnamın 2020-ci ildə Azərbaycana dəstəyinə görə minnətdarlığını bildirib
Hanoyda İlham Əliyevin və Mehriban Əliyevanın şərəfinə rəsmi nahar verilib
Siyasət 14:55
Hanoyda İlham Əliyevin və Mehriban Əliyevanın şərəfinə rəsmi nahar verilib
İlham Əliyevin Vyetnam Prezidenti ilə geniş tərkibdə görüşü olub - yenilənib
Siyasət 11:31
İlham Əliyevin Vyetnam Prezidenti ilə geniş tərkibdə görüşü olub - yenilənib
Anews TV

Rəsmi Youtube kanalımız

Abunə ol