Azərbaycan və Niderland Avropa enerji bazarı və Orta Dəhliz üzrə əməkdaşlığı müzakirə edib

Azərbaycan və Avropa İttifaqı arasında enerji, bərpaolunan enerji mənbələri və Orta Dəhliz üzrə əməkdaşlıq perspektivləri müzakirə olunub. Bunu Azərbaycanın xarici işlər naziri Ceyhun Bayramov Niderland Krallığının xarici işlər naziri Tom Berendsenlə birgə mətbuat konfransında deyib.

Bayramov bildirib ki, tərəflər Azərbaycanın Avropa enerji bazarındakı rolunu, Şərq-Qərb Orta Dəhlizinin potensialını, eləcə də yaşıl enerji zonaları və yaşıl ticarət limanları sahəsində əməkdaşlıq imkanlarını nəzərdən keçiriblər.

Görüşdə Azərbaycanla Avropa İttifaqı arasında tərəfdaşlıq prioritetləri və maliyyələşmə sənədi üzrə görülən işlər barədə də fikir mübadiləsi aparılıb.

Nazir, həmçinin Azərbaycan-Ermənistan münasibətlərinin normallaşması prosesi, azad edilmiş ərazilərdə bərpa-quruculuq işləri, keçmiş məcburi köçkünlərin geri qayıdışı və mina təhlükəsi barədə qarşı tərəfə məlumat verib.

Aytac