İsraildə Azərbaycan səfirliyinin açılmasının gecikməsi ilə bağlı - AÇIQLAMA

“İsraildə Azərbaycan səfirliyinin açılmasının gecikməsi Azərbaycan hökumətindən asılıdır”.APA-nın xəbərinə görə, bunu İsrailin Azərbaycandakı səfiri Rafael Harpaz jurnalistlərə açıqlamasında deyib. Səfir qeyd edib ki, artıq 22 ildir iki ölkə arasında sıx münasibətlər mövcuddur: “Biz inanırıq ki, Azərbaycan hökuməti İsraildə öz səfirliyini açacaq. Lakin səfirliyin açılması İsraildən yox, Azərbaycandan asılıdır. Bu addım bizim əlaqələrimizin daha bir sonrakı mərhələyə gəlib çatmasına əsas ola bilər. Azərbaycanın xarici işlər naziri Elmar Məmmədyarov və AŞPA-da Azərbaycan nümayəndə heyətinin sədri Səməd Seyidovun İsrailə səfəri çərçivəsində də bu məsələ müzakirə edilib. Bundan əlavə, Azərbaycan-İsrail Ticarət Palatasını yaratmışıq. Azərbaycan BMT Təhlükəsiz Şurasının üzvüdür və İsrail ondan çox şey gözləyir. Mən inanıram ki, bizim gələcəkdə çox parlaq layihələrimiz olacaq”. Səfir vurğulayıb ki, hər il iki dövlət arasında müxtəlif sahələr üzrə əlaqələr get-gedə artır: “İsrail şirkətlərinin Azərbaycanda çox aktiv fəaliyyət göstərir, enerji sektorunda daha çox əməkdaşlıq edirlər.  İsrailin 40% enerjisini Azərbaycan təmin edir”.ANN.Az