İraq millət vəkili İlham Əliyevə məktub yazdı

İraq Kürdüstan hökumətinin sabiq mədəniyyət naziri Axar.az-a məktub göndərib. Hazırda Ərbil şəhərində İraq Türkman Dərnəyinin rəhbəri, millət vəkili olan Cövdət Nəccar Azərbaycan Prezidenti İlham Əliyevə müraciət edib.

Eks-nazir İ.Əliyevdən Ərbildə səfirlik açılmasını xahiş edib. Onun sözlərinə görə, səfirlik açılması İraq türkmanları ilə Azərbaycan arasında əlaqələri inkişaf etdirə bilər:

"Biz Azərbaycana getmək üçün çətinlik çəkirik. Viza almaq problemi yaranır. İraq Kürdüstanında 27-28 ölkənin səfirliyi var. Rusiyanın, Türkiyənin səfirlikləri fəaliyyət göstərir. İraqın Azərbaycanda səfiri var. Amma Azərbaycanın burada yoxdur”.

C.Nəccar qeyd edib ki, iş adamları Ərbildə biznes qura bilər:

"Biz cənab Prezident İlham Əliyevdən rica edirik ki, bu məsələyə baxsın. Hörmətli millət vəkili Qənirə Paşayeva da bu məsələni qaldırmışdı. Səfirlik olsa, gedib-gəlmək, ünsiyyət qurmaq imkanlarımız daha da genişlənə bilər. İş adamlarınız burada gəlib iş qura bilərlər, türkmanların problemləri daha çox qabardılar”.