Bahar Muradova: Azərbaycana qarşı qaralama kampaniyası qəbul oluna bilməz

 

ANN.Az APA-ya istinadən xəbər verir ki, bunu Milli Məclisin sədr müavini Bahar Muradova Azərbaycanda səfərdə olan Türkiyənin media nümayəndələri ilə görüşündə deyib.

 

O, təəssüflə qeyd edib ki, bəzi beynəlxalq dairələr idmandan da siyasi alət kimi istifadə etməyə çalışırlar:

 "Bu, qəbulolunmazdır. Azərbaycana qarşı aparılan bu qaralama kampaniyası da heç cür qəbul oluna bilməz. Ona görə də hesab edirəm ki, həmin kampaniyaya qarşı bizim media da öz sözünü deməlidir. Bu məsələdə həm Azərbaycan, həm də qardaş Türkiyə mediası birgə fəaliyyət ortaya qoymalıdır. Bütün bunlara baxmayaraq, Azərbaycan ilk Avropa Oyunlarına uğurla ev sahibliyi edəcək”.