Prezident Aparatı qarşısında etiraz aksiyası keçirilib

16:05 | 24.01.2023
Övladlarına şəhidlik statusu ala bilməyən ailələr Prezident Aparatı qarşısında etiraz aksiyası keçirib. Bu barədə sosial şəbəkədə məlumat yayılıb.

"Övladım hərbi xidmətdən gəlməsinə 3 ay qalmış ürəyindən güllə yarası alıb, onu rayona da şəhid kimi gətirib dəfn ediblər. 3 gün sonra isə dedilər ki, kəskin qanaxmadan dünyasını dəyişib. Şəhid deyil, intihardır”, - valideynlərdən biri deyib.

Valideynlərin əsas tələbi övladlarına şəhidlik statusunun verilməsi olub.

Xəzər Müdafiə Tədqiqatları İnstitutunun (CDSİ) monitorinqinin nəticələrinə görə, 2022-ci ildə Azərbaycanda ümumilikdə 22 hərbçi intihar edib. Monitorinqə əsasən, ötən ildə Azərbaycanın Təhlükəsizlik və Müdafiə sektoru ən azı 145 hərbi qulluqçusunu itirib. Hərbi qulluqçulardan 87-si Qarabağın Rusiya sülhməramlılarının nəzarəti altında olan ərazisindən atılan atəş nəticəsində güllə yarasından (85 nəfər güllə yarasından, 2 nəfər mina partlayışı nəticəsində həlak olub, red), 58-i isə qeyri-müəyyən şəraitdə ölüb. 
 
Lida Abbaslı

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb