Rusiya Prezidenti Vladimir Putin hazırki cəbhə xəttini tanımaq şərti illə atəşkəsin elan olunması ilə bağlı danışıqlara hazır olduğunu, Kiyev və Qərb onun bu təklifinə reaksiya verməyəcəyi halda isə müharibəni davam etdirmək əzmində olduğunu bildirib. Bu barədə Reuters agentliyinə Putinin ətrafında olan 3 fərqli mənbə məlumat verib.
Mənbələrin verdiyi məlumata görə, Putin məsləhətçilərinə Qərbin buna mane olacağını və Ukrayna prezidenti Vladimir Zelenskinin danışıqlar masadı arxasında oturmaqdan imtina edə biləcəyini deyib.
"Putin tələb olunan qədər müharibəni davam etditməyə bilər, amma eyni zamanda atəşkəsə, yəni müharibəni dondurmağa hazırdır”, - Putin aparatında çalışan və Kreml danışıqlarından xəbəri olan yüksək rütbəli dördüncü mənbə Reuters-ə bildirib.
Beşinci mənbə isə mövcud cəbhə xəttində müharibənin dondurulmas məsələsini şərh etməkdən imtina edib.
Putinin mətbuat katibi Dmitri Peskov vəziyyəti şərh etmək istəyinə cavab olaraq bildirib ki, Kreml rəhbəri "Rusiyanın öz məqsədlərinə çatmaq üçün dialoqa açıq olduğunu dəfələrlə açıqlayıb və ölkənin əbədi müharibə istəmədiyini bildirib”.
N.Təbrizli
www.anews.az
Bizi sosial şəbəkələrdə izləyin !
