İtalyan rəssam Aleksandro Palombo məişət zorakılığına qarşı maraqlı aksiya təşkil edib. "Anews.az” "BBC News”a istinadən məlumatına görə, o, məşhur qadın siyasətçiləri zorakılığa məruz qalmış formada çəkib və həmin plakatları Milan şəhərinin küçələrində asıb.
Rəssamın istəyi ilə Almaniya Kansleri Angela Merkel, ABŞ-ın birinci xanımı Mişel Obama, dövlət katibi Hillari Klinton, Fransanın birinci xanımı Brijit Makron və digərləri məişət zorakılığının "qurbanları olublar”.
Bütün posterlərin yuxarı hissəsində "Sadəcə ona görə ki, qadınam”, aşağı hissəsində isə "Mən məişət zorakılığının qurbanıyam. Mənə az pul verirlər. Mən cinsiyyət orqanlarımdan əməliyyat keçirmişəm. Mənim istədiyim kimi geyinmək haqqım yoxdur. Mən kimə ərə gedəcəyimlə bağlı qərar qəbul edə bilmirəm. Mən zorakılığa məruz qalmışam” cümlələri yer alıb.
Palombonun bu aksiyası birmənalı qarşılanmayıb. Bəzi sosial şəbəkə istifadəçiləri onun bu işini doğru adlandırsa da, digərləri tənqid edib. "Siz zorakılığa məruz qalmış real qadınların üzlərindən istifadə edə bilərdiniz”, - rəssamın İnstaqram izləyicilərindən biri yazıb.
![](https://anews.az/file/pic/xeber/2020-01/1579592477_palombo7.jpg)
![](https://anews.az/file/pic/xeber/2020-01/1579592486_palombo2.jpg)
![](https://anews.az/file/pic/xeber/2020-01/1579592459_palombo32.jpg)
![](https://anews.az/file/pic/xeber/2020-01/1579592448_palombo6.jpg)
![](https://anews.az/file/pic/xeber/2020-01/1579592485_palombo1.jpg)
![](https://anews.az/file/pic/xeber/2020-01/1579592462_palombo4.jpg)
![](https://anews.az/file/pic/xeber/2020-01/1579592467_palombo5.jpg)
www.anews.az
Bizi sosial şəbəkələrdə izləyin !