“Baghlan Group” şirkətinin və “Bakı” futbol klubunun prezidenti, "Hafka" ləqəbilə tanınmış milyoner Hafiz Məmmədovla bağlı Modern.az saytına ilginc məlumat daxil olub.  Sayt xəbər verir ki, Hafiz Məmmədovun Bakıdakı malikanəsi məhkəmə icraçıları tərəfindən boşaldılır. İş adamının Teymur Əliyev küçəci 63 ünvanında yerləşən, dəyəri 3 milyon dollar qiymətləndirilən villasının qarşısına məhkəmə icraçıları, polis toplaşıb.Sayta verilən məlumata görə, villanı mühafizə edən silahlı qoruyucular məhkəmə icraçılarını binaya buraxmaqdan imtina ediblər. Məsələ ilə bağlı H. Məmmədov məlumatlandırılıb və o probelmin həll etmək üçün çalışdığını deyib.Məlumata görə, H.Məmmədov müsadirə olunan villanı oğluna toy hədiyyəsi kimi bağışlayıbmış. Məhkmə 300 min manat borcu qaytara bilmədiyinə görə, onun əmlakının boşaldılması barədə qərar verib.Modern.az saytının məlumatına görə, Hafiz Məmmədov sabaha qədər vaxt istəyib və sabah borcu ödəyəcəyini vəd edib. Məhkəmə icraçıları bununla bağlı müzakirə apardıqdan sonra qərara alınıb ki, evin boşaldılması sabah saat 12-ə qədər təxirə salınsın.ANN.Az