"SOCAR-da tanış, dost, dayı keçmir" - Vitse-prezident
26.10.2016 11:56
"Mətbuatda oxuyuram ki, tanınmış futbolçu cəmiyyətdəki etibarından istifadə edərək dələduzluq edib, başqasının 200 min manatdan çox pulunu mənimsəyib. Bəlkə də bu mənim diqqətimi o qədər də cəlb etməzdi, çünki belə dələduzluq faktlarına mətbuatda vaxtaşarı rast gəlmək olur. Burada mənim diqqətimi SOCAR-a işə adam düzəltmək bəhanəsi ilə özgəsinin 20 min manat pulunu alıb, qocaman, hamının sevimlisi, futbol azərkeşi, heç kimə yox deməyi bacarmayan, korifeyimiz, akademikimizin yanına aparması və zərərçəkənin sənədlərini ona təqdim etməsi çəkir”.
ANN.Az xəbər verir ki, bunu SOCAR-ın Kadr, rejim və informasiya texnologiyaları üzrə vitse-prezidenti Xalik Məmmədov "Facebook” hesabında yazıb.
"Tutaq ki, alınsaydı və o adam işə götürülsəydi, əslində mümkün olsaydı, o, kişiyə heç kim imtina etməzdi. Bu, indi qəti mümkün olmadığından, sistemin buna imkan vermədiyindən alınmayıb. Nə olardı? Sevimli, təmiz, nümunəvi ağsaqqal bir insanın adına, nüfuzuna nə qədər kölgə salardı, Bu futbolçunun hərəkətinə yazıqlar olsun”, - deyə Məmmədov qeyd edib.
X. Məmmədov bildirib ki, SOCAR-da işə qəbul yalnız müsabiqə yolu ilə mümkündür: "Deyirik, yazırıq, dəfələrlə İnsan Resurslarının Departamentinin rəhbərliyi bəyanatlar yayır. SOCAR-a işə qəbul müsabiqə yolu ilə həyata keçirilir. Əsas meyyar, bilik, səriştə, bacarıqdır. Burada tanış, dost, dayı keçmir”.
Kamil ƏMİRLİ
www.ann.az
Oxşar xəbərlər
Oxşar xəbərlər
Foto 
Video 
