Elektron növbə sistemlərinin tətbiqi vətəndaşların rahatlığı üçün vacibdir - Deputat

Deputat Naqif Həmzəyev bəzi dövlət qurumları və səhiyyə müəssisələrində fərqli növbə sistemlərinin və kağız əsaslı metodların vətəndaşların narazılığına səbəb olduğunu bildirib.

O qeyd edib ki, uğur qazanan rəqəmsal həllərə üstünlük verilməli və elektron növbə sistemlərinin tətbiqi sürətləndirilməlidir.

“Xəstəxana və poliklinikalarımızda elektron növbə sistemlərinin tətbiqi gecikir. Dəfələrlə fərqli xəstəxanalarda olmuşam, gördüyüm mənzərə heç də ürəkaçan olmayıb. Müasir dövrdə kağız və köhnə üsullarla növbə təşkil etmək effektiv deyil", - o bildirib. 

Deputat MyGov platforması vasitəsilə səhiyyə xidmətlərinin sayının artırılması və növbə sistemlərinin tətbiqinin zəruriliyini vurğulayıb və aidiyyəti qurumlardan bu sahədə fəaliyyətlərini artırmalarını gözlədiyini bildirib.

Gülnar Nazimqızı