Türkiyənin tanınmış rejissoru və aktyoru vəfat edib

Türkiyənin tanınmış rejissoru, ssenaristi və aktyoru Kartal Tibet 83 yaşında vəfat edib.

"Report” NTV-yə istinadən xəbər verir ki, bu barədə aktrisa Civan Canova instaqram səhifəsində yazıb.

"Gülə-gülə Kartal ağabəyim, səndən ötür çox darıxacağam”, - qeydi ilə o, tanınmış sənətkarın vəfatı xəbərini paylaşıb.

Kartal Tibet 1938-ci ildə Ankarada anadan olub. Türkiyə istehsalı olan 200-ə yaxın filmdə iştirak edib. Oynadığı və rejissoru olduğu filmlər Türkiyənin Yeşilcamının klassikalarına daxil edilib. O, Ankara Universiteti Dövlət Konservatoriyasının Teatr Fakültəsini bitirib. Tibet 1961-ci ildə Ankaranın ilk özəl Meydan səhnəsi teatrının qurucularından olub.