“Rusiya tamamilə demokratik ölkədir, əksini deyənlər bizi tanımır” - Peskov

"Qafqazinfo” TASS-a istinadən xəbər verir ki, bunu Rusiya  Prezidentinin mətbuat katibi Dmitri Peskov "Rossiya-1” telekanalının efirində deyib.

"Rusiya həqiqətən güclü, çox qürurlu və çox azad insanların yaşadığı tamamilə demokratik ölkədir. Əgər kimsə bunun əksini deyirsə, o, sadəcə olaraq bizim ölkəmizi bilmir və anlamır", - Peskov bildirib.
Aparıcının Rusiyanın diktatura, yoxsa demokratiya olması sualını şərh edən Kreml sözçüsü vurğulayıb ki, bu, ilk növbədə, suveren dövlətdir:
"Biz Rusiya Federasiyasıyıq, biz suveren dövlətik. Prezident Vladimir Putinin əlində nə çox, nə də az Rusiyanın Konstitusiyasında nəzərdə tutulan hakimiyyət cəmləşib", - o deyib.

www.anews.az