Yerə doğru təhlükəli asteroid Yerə uçacaq

Diametri təxminən 400 metr, çəkisi 30 tondan çox olan olduqca təhlükəli asteroid Apofis 2029-cu ildə Ümumdünya Kosmonavtika Günündən sonra Yerə uçacaq.

"Report” xəbər verir ki, bu barədə Rusiya Fövqəladə Hallar Nazirliyinin Mülki Müdafiə və Fövqəladə Hallar üzrə Ümumrusiya Elmi-Tədqiqat İnstitutu məlumat yayıb.

Tədqiqatçıların proqnozlarına görə, Apofisin (qədim Misirin məhvetmə tanrısı Apofisin şərəfinə adlandırılıb-red) Yerə maksimum yaxınlaşma anı aprelin 13-nə təsadüf edəcək.

Yaxınlaşma sürəti saniyədə 7,42 kilometr olacaq. Cismin Yer səthi ilə toqquşması zamanı ayrılan enerji 1 717 meqaton olacaq. Zəlzələnin gücü zərbə yerindən 10 kilometr radiusda rixter şkalası üzrə 6,5 bala, küləyin sürəti saniyədə azı 790 metr olacaq. Apofisin Yerlə ehtimal olunan toqquşmasında məhv olacağı proqnozlaşdırılır.