Zelenski Şarl Mişellə Ukrayna ilə bağlı vəziyyəti müzakirə etdi

"Qafqazinfo” xəbər verir ki, bu barədə Ukrayna Prezidentinin mətbuat xidməti bəyanat yayıb.

Qeyd olunub ki, söhbət zamanı əsas diqqət Ukrayna ətrafında vəziyyətin deeskalasiyası üçün beynəlxalq siyasi və diplomatik səylərin əlaqələndirilməsinə yönəldilib.
Ukrayna Prezidenti hazırkı vəziyyətdə daxili iqtisadiyyatın sabit inkişafının təmin edilməsinin vacibliyini vurğulayıb. O, bununla bağlı 1,2 milyard avro məbləğində makromaliyyə yardımının ayrılması ilə bağlı vaxtında verilmiş qərara görə Avropa İttifaqına təşəkkür edib.
Liderlər, həmçinin 2022-ci il üçün Ukrayna və Avropa İttifaqı arasında gələcək dialoqa dair mövqeləri razılaşdırıblar.
Ukrayna Prezidentinin mətbuat xidmətinin bəyanatında bildirilib ki, yaxın vaxtlarda növbəti, 24-cü Ukrayna-Avropa İttifaqı sammitinin tarixi müəyyənləşəcək. Artıq bu ilin ortalarında Avropa Komissiyasının rəhbərliyinin, beynəlxalq tərəfdaşların iştirakı ilə Kiyevdə Avropanın enerji təhlükəsizliyi üçün riskləri birgə müzakirə etmək üçün enerji biznes forumu keçiriləcək.

www.anews.az