Aİ bəzi diplomatlarına Ukraynanı tərk etməyə icazə verib

Avropa İttifaqı (Aİ) Ukraynadakı diplomatik missiyasının xüsusi mühüm proseslərdə iştirak etməyən əməkdaşlarına ölkəni tərk etməyə icazə verib, bu barədə ABŞ-ın "Politico" qəzeti Aİ Xarici İşlər Xidmətinin nümayəndəsi Piter Stanoya istinadən məlumat yayıb.

"Hazırda qeyri-vacib kadrlara ölkəni (Ukrayna) tərk etmək imkanı verilib”, - o deyib.

 Aİ rəsmisi bildirib ki, qurum səlahiyyətliləri vəzifələrinə uyğun olaraq situasiyanın inkişafı müddətində əməkdaşların qayğısına qalmaqda davam edirlər.

Stano əlavə edib ki, Xarici İşlər Xidməti Avropa İttifaqının üzvü olan ölkələrlə sıx əməkdaşlıq edir.