Rusiya ABŞ səfirinin müavinini deportasiya edib

Amerika Birləşmiş Ştatlarının səfirinin müavini Bartl Qorman Rusiyadan deportasiya edilib, bu barədə RİA Novosti agentliyinə səfirlikdən məlumat verilib. 

Səfirlikdə belə bir qərarın verilməsinin səbəbləri açıqlanmayıb. Onlar ABŞ diplomatının deportasiyasına cavab verəcəyini deyib. ABŞ səfirliyi səfir müavininin vizasının etibarlı olduğunu aydınlaşdırıb. Səfirlik, həmçinin Qormanın ABŞ-ın Moskvadakı səfirliyində ikinci ən mühüm vəzifəli şəxs və "səfirliyin yüksək rəhbərliyinin əsas üzvü” olduğu vurğulayıb.

Qorman 2017-ci ildən 2019-cu ilə qədər ABŞ Dövlət Departamentinin Diplomatik Təhlükəsizlik Bürosu Təhdidlərin Araşdırılması və Təhlili üzrə direktor köməkçisi və dövlət katibinin köməkçisinin müavini vəzifələrində çalışıb.

Bundan əvvəl o, Diplomatik Təhlükəsizlik Bürosunun Kəşfiyyat və Təhlil Departamentinin direktoru vəzifəsində və Moskvada Təhlükəsizlik Xidmətinin rəisi vəzifəsində işləyib.

Daha sonra Rusiya Xarici İşlər Nazirliyi bir sənəd dərc edib və bəyanatın tam mətni TASS xəbər agentliyinə təqdim edilib. Orada "ABŞ Rusiya tərəfinin hazırladığı təhlükəsizlik zəmanətləri üzrə saziş layihəsinin əsas elementlərinə konstruktiv cavab verməyib” - deyə, yazılıb.