Ötən gecə Kiyevdə nə baş verib? - İCMAL

Ötən gecə Kiyevdə nə baş verib?
 
- Ötən gecə Kiyev və Ukraynanınn başqa şəhərlərində həyəcan siqnalları bir neçə dəfə işə düşüb. Adi sakinlər deyir ki, son 24 saat ərzində Rusiya Silahlı Qüvvələrinin artilleriya hücumlarının intensivliyi artıb. Yüzlərlə insan  zirzəmi və metroda gecələməli olub. 
 
-  Kiyevdə bir neçə atəş səsi gəlib.Onlardan biri ABŞ-ın CBS kanalının canlı yayımında da eşidilib. 

- Xerson meri İqor Kolıxev Rusiya Silahlı Qüvvələrinin şəhərə daxil olduğunu bildirib. Amma Ukrayna bayrağı hələ də şəhərdə dalğalanmaqdadır. 

- Ukraynanın şimalında yerləşən Çerniqovda qanadlı raketlər şəhər xəstəxanasına xəsarət yetirib. 

- Xarkova artelleriya atəşi davam edib. Onlarla yaralı və ölən var. 

- Haaqa tribunalı Rusiyann Ukraynada törətdiyi  hərbi cinayətlərin araşdırılmasına başlayıb. 

- Ukraynada qaçqınların sayı 1 milyona çatıb. Bu barədə BMT-nin qaçqınlarla  işüzrə Agentliyi məlumat yayıb. 

- Ukrayna prezidenti Vladimir Zelenski növbətu dəfə xalqa müraciət edib və Ukrayna ordusunun Rusiya hücumlarının qarşısında duruş gətirdiyini bildirib. 

- ABŞ kəşfiyyatının  məlumatına görə, bir neçə kilometrlik Rusiya hərbi maşın karvanı naməlum səbəbdən dayanıb. Həmin maşın karvanı peyk vasitəsilə bir neçə gün bundan qabaq aşkarlanmışdı.  


N.Təbrizli



www.anews.az