Metroda sərnişin qatar yoluna tullanıb

Sentyabrın 25-də saat 17:53-də Bakı metropoliteninin “Memar Əcəmi”–“20 Yanvar” mənzilində kişi sərnişin qatar yoluna tullanıb.Bu barədə “Bakı Metropoliteni” QSC-nin İctimaiyyətlə əlaqələr şöbəsinin müdiri Bəxtiyar Məmmədov bildirib.

Hadisədən dərhal sonra yolun təmas relsindən gərginlik çıxarılıb. Sərnişin təlimata uyğun olaraq qatar yolundan çıxarılaraq polis əməkdaşlarına təhvil verilib.

Metropolitenin məlumatına görə, saat 18:06-da, yəni hadisədən 13 dəqiqə sonra, gərginlik bərpa olunub.

Hazırda hadisə ilə bağlı araşdırma aparılır.

Bildirilib ki, hadisənin baş verdiyi Yaşıl xətt üzrə qatarların hərəkət intervalında hər hansı yubanma müşahidə olunmur.