Tehranda Evin həbsxanasında üsyan çıxdı, yaralılar var
16.10.2022 09:11
İranın paytaxtı Tehranda yerləşən Evin həbsxanasında yanğın olub. Bu barədə İran xəbər agentlikləri məlumat yayıb.
Yanğının həbsxanada məhbuslar tərəfindən başladılan üsyan nəticəsində yarandığı bildirilir.
İranın Dövlət İnformasiya Agentliyi (IRNA) təhlükəsizlik rəsmisinə istinadla bildirib ki, Tehranın Evin həbsxanasında məhbuslar tərəfindən paltarların saxlandığı anbar yandırılıb.
Hazırda vəziyyətin nəzarət altında olduğu bildirilir. Hadisə nəticəsində ölən olmasa da, 8 nəfərin yaralandığı qeyd olunur.
"Yanğın lokallaşdırılıb, ətraf mühitin təhlükəsizliyini təmin etmək üçün iş gedir”, - agentlik fövqəladə hallar xidmətinin nümayəndəsinin sözlərindən sitat gətirir.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
