Ukraynadan Rusiyaya qarşı bir vasitə kimi istifadə olunur - Putin
26.10.2022 17:22
Ukrayna suverenliyini itirib və birbaşa ABŞ-ın nəzarətinə keçib. Bu barədə Rusiya Prezideti Vldimir Putin MDB ölkələrinin Təhlükəsizlik Orqanları və Kəşfiyyat Xidmətləri Rəhbərləri Şurasının iclasında bildirib. Məlumatı RİA Novosti agentliyi yayıb.
Onun sözlərinə görə, Ukraynadan Rusiya, KTMT və MDB-yə qarşı vasitə kimi istifadə olunur.
Putin əmindir ki, Ukrayna ərazisi "hərbi bioloji təcrübələr üçün sınaq poliqonu kimi istifadə olunur”. O, hesab edir ki, Ukrayna "Amerikanın xarici siyasətinin alətinə” çevrilib.
"Ölkə faktiki olaraq suverenliyini itirib və birbaşa ABŞ-ın nəzarətindədir, ondan Rusiyaya, Belarus Respublikası ilə birlik dövlətimizə, bütövlükdə KTMT və MDB-yə qarşı bir zərbə kimi istifadə edirlər", - o deyib.
Vladimir Putin həmçinin bildirib ki, bəzi ölkələr "sarsılan hegemonluqlarını qoruyub saxlamağa” çalışırlar. O, hansı ölkələrdən danışdığını dəqiqləşdirməyib.
"Beynəlxalq ünsiyyətin bəzi iştirakçıları nəyin bahasına olursa-olsun öz sarsılan hegemonluğunu qorumağa, geniş spektrli siyasi, hərbi, iqtisadi, informasiya və digər üsul və vasitələrdən istifadə etməyə çalışırlar”, - Putin deyib.
Rusiya prezidenti həmçinin bildirib ki, Ukrayna "çirkli bomba”dan istifadə etməyi planlaşdırır. Rusiya tərəfi bu ittihamları ötən həftə səsləndirməyə başlayıb, Kiyev isə bu iddiaları rədd edir.
ABŞ, Böyük Britaniya və Fransa Moskvanın versiyasına inanmadığını bildirib. Buna baxmayaraq, Beynəlxalq Atom Enerjisi Agentliyinin missiyası ölkənin nüvə obyektlərini yoxlamaq üçün Ukraynaya gələcək.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
