ABŞ və Böyük Britaniya Aİ ilə birgə İrana qarşı sanksiya tədbiq edib
24.01.2023 10:34
ABŞ və Böyük Britaniya Avropa İttifaqı ölkələri ilə birlikdə uzun sürən hökumət əleyhinə etirazlar zamanı insan haqlarının pozulması ilə əlaqədar İrana qarşı əlavə sanksiyalar elan edib. Bu barədə "Avropa həqiqətləri” məlumat yayıb.
Britaniya sanksiyaları İranın baş prokurorunun müavini Əhməd Fazelyana, həmçinin quru qoşunlarının komandanı, İslam İnqilabı Keşikçiləri Korpusunun (SEPAH) komandir müavini və onlara daxil olan Bəsic qüvvələrinə aid olduğu bildirilib.
Ümumilikdə Böyük Britaniya İran rejiminin insan haqlarını pozmasına cavab olaraq 50 sanksiya tətbiq edib.
Eyni zamanda Birləşmiş Ştatlar İran iqtisadiyyatının müxtəlif sahələrinə təsir göstərən SEPAH Kooperativ Fondu adlanan quruma, onun idarə heyətinin beş üzvünə, İranın kəşfiyyat və təhlükəsizlik nazirinin müavini Nasser Rashediyə və dörd yüksək rütbəli komandirə qarşı sanksiyalar tətbiq edib.
İranda 22 yaşlı qadının geyim qaydalarını pozduğu iddiası ilə əxlaq polisi tərəfindən həbs olunduqdan sonra ölüb. Etirazlar zamanı azı 519 nəfər həlak olub, 19200-dən çox insan həbs edilib.
Bu hərəkat 1979-cu il İslam İnqilabından sonra İranın şiə teokratiyasına qarşı ən böyük problemlərdən birinə çevrilib.
www.anews.az
Foto 
Video 
