Ermənistanla sərhədin delimitasiyası Komissiyasına katib Murad Nəcəfbəyli təyin edilib
12.04.2023 15:15
Baş nazir Əli Əsədov Murad Nəcəfbəylini dövlət sərhədinin delimitasiyasi üzrə Dövlət Komissiyasının Katibliyinə rəhbər təyin edib. Qafqazinfo saytı yazır ki, Bu barədə Əsədov sərəncam imzalayıb.
Əli Əsədov ötən ilin oktyabrında Azərbaycanla Ermənistan arasında dövlət sərhədinin delimitasiyası üzrə yaradılmış Dövlət Komissiyasının fəaliyyətinin təmin edilməsi ilə bağlı tədbirlər barədə qərar imzalayıb.
Qərara əsasən, Azərbaycan ilə Ermənistan arasında dövlət sərhədinin delimitasiyası üzrə Dövlət Komissiyasının cari fəaliyyətinin təşkili məqsədilə Komissiyanın Katibliyinin yaradılması, fəaliyyət istiqamətləri və təşkili müəyyən edilib.
Murad Nəcəfbəyli bu vəzifəyə təcrübəli diplomat kimi təyin edilib. Belə ki,o, uzun illər Xarici İşlər Nazirliyində çalışıb. Azərbaycanı xarici ölkələrdə səfir kimi təmsil edib.
Daha əvvəl İsveçrə və Lixtenşteyndə fövqəladə və səlahiyyətli səfir olan M.Nəcəfbəyli BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndə vəzifəsində də çalışıb.
Daha əvvəl İsveçrə və Lixtenşteyndə fövqəladə və səlahiyyətli səfir olan M.Nəcəfbəyli BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndə vəzifəsində də çalışıb.
Murad Nəcəfbəylinin sonuncu iş yeri Estoniyadakı Azərbaycan səfirliyi olub. Prezident İlham Əliyev 2021-ci ildə onu səfir vəzifəsindən geri çağırıb.
Maraqlıdır ki, M.Nəcəfbəylinin iki qardaşı da diplomatdır. Qardaşı Hüseyn Nəcəfov Azərbaycanın Rumıniyadakı səfiri, digər qardaşı Eldar Nəcəfov isə Xarici İşlər Nazirliyinin İkinci Asiya İdarəsinin rəis müavinidir.
www.anews.az
Son xəbərlər 
Daha çox
Foto 
Video 
