Bu ölkələr inflyasiya və borclanma səbəbindən 800 milyard dollar itirəcək
13.04.2023 17:17
BMT-nin Ticarət və İnkişaf üzrə Konfransının (UNCTAD) dərc olunmuş yeni hesabatına görə 2023-cü il qlobal iqtisadiyyat 2,3 faiz artacaq. Hesabatda qeyd olunub ki, maliyyə böhranı və qlobal iqtisadiyyatın yavaşlaması fonunda inkişaf etməkdə olan ölkələr illərdir iqtisadi çətinliklərlə üzləşirlər.
UNCTAD-ın məlumatına görə, 81 inkişaf etməkdə olan ölkə (Çin istisna olmaqla) 2022-ci ildə beynəlxalq ehtiyatlarında 241 milyard dollar itirib, onların bir çoxu əlavə Xüsusi Borc Hüquqları (SDR) ehtiyatlarını tükəndirib.
68 inkişaf etməkdə olan bazarlar üçün borclanma dəyəri 5,3%-dən 8,5%-ə yüksəlib.
UNCTAD inkişaf etməkdə olan ölkələrə xarici kreditorların təzyiqinin artacağını gözləyir.
Ekspertlər vurğulayırlar ki, kritik borclar inkişaf böhranına və daha da böyük bərabərsizliyə səbəb olacaq. Onlarla ölkə kreditorlara yeni kreditlərdə aldıqları məbləğdən daha çox pul ödəyəcək və nəticədə sosial xərcləri azaldacaq.
UNCTAD qeyd edir ki, bu gün xarici borcun xidmətinə səhiyyədən daha çox pul xərcləyən ölkələrin sayı 62-yə çatıb.
Gülnar Nazimqızı
www.anews.az
Foto 
Video 
