Macarıstan və Serbiyaya qaz ixracına 2023-cü ilin sonuna kimi başlanılacaq - Əliyev
31.05.2023 16:02
Azərbaycan bu ilin sonuna kimi Macarıstan və Serbiyaya qaz nəqlinə başlayacağını gözləyir. Bu barədə Azərbaycan Prezidenti İlham Əliyev bildirib.
"İndi biz Bolqarıstana qaz ixracı imkanlarını qiymətləndiririk və əminəm ki, yaxın vaxtlarda bu ölkə ilə qonşu olan dövlətlərə qaz ixrac etməyə başlayacağıq... Əgər hər şey qrafikə uyğun getsə yenidən və bütün planlaşdırılan interkonnektorlar vaxtında tikilsə, ilin sonuna qədər qazımız Macarıstan və Serbiyaya nəql oluna biləcək”, - Əliyev çərşənbə günü 28-ci Xəzər Neft və Qaz Beynəlxalq Sərgisinin açılış mərasimində çıxışı zamanı bildirib.
Onun sözlərinə görə, Azərbaycan Avropaya qaz nəqlini artırır. O cümlədən, 2021-ci ildə Avropaya qaz nəqli təxminən 8 milyard kubmetr təşkil edirdisə, bu il 12 milyard kubmetrə çatacaq.
Əliyev əlavə edib ki, Azərbaycanın 2027-ci ilə qədər Avropaya qaz tədarükünü ən azı 20 milyard kubmetrə çatdırmaq potensialı var.
Azərbaycan 2020-ci il dekabrın 31-dən Avropaya qaz ixracna başlayıb. Hazırda Azərbaycan qazı Avropada İtaliya, Yunanıstan, Bolqarıstan və Rumıniyaya ixrac edilir.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
