Ceyhun Bayramov Albaniyalı həmkarı ilə Ermənistanla sülh səylərini müzakirə edib

Azərbaycanın xarici işlər naziri Ceyhun Bayramov BMT Baş Assambleyasının 81-ci sessiyasının yüksək səviyyəli həftəsi çərçivəsində Nyu-Yorkda Albaniyanın Avropa və xarici işlər naziri Ferit Hoxa ilə görüşüb.Bu barədə Azərbaycan Xarici İşlər Nazirliyinin “X” hesabında məlumat yayıb.

Görüşdə Azərbaycan-Albaniya ikitərəfli gündəliyi, siyasi dialoqun və yüksək səviyyəli təmasların davam etdirilməsi, həmçinin BMT daxil olmaqla, beynəlxalq təşkilatlar çərçivəsində qarşılıqlı dəstək məsələləri müzakirə olunub.

C.Bayramov Azərbaycanın əsas enerji və nəqliyyat bağlantısı layihələri vasitəsilə Avropanın enerji təhlükəsizliyinə verdiyi töhfələri qeyd edib.

Nazir həmçinin qarşı tərəfə münaqişədən sonrakı regional reallıqlar, regional və beynəlxalq təhlükəsizlik məsələləri, eləcə də Ermənistanla sülh səyləri barədə məlumat verib.