2023-cü ildə BTC ilə 1,1 milyon ton Qazaxstan nefti nəql ediləcək - Şahbazov

"Biz Qazaxıstanın Baş nazirinin müavini - ticarət və inteqrasiya naziri Serik Jumanqarinlə ticarət-iqtisadi əməkdaşlığın inkişafı ilə bağlı səmərəli müzakirələr apardıq. 2023-cü ildə Qazaxıstan neftinin BTC ilə nəqlinin həcminin 1,125 milyon ton təşkil edəcəyi planlaşdırılır”, - deyə Şahbazov "Twitter” səhifəsində yazıb.

Bundan əvvəl Şahbazovun Qazaxıstanda işgüzar səfərdə olduğu bildirilirdi.

BTC neft kəmərinin uzunluğu 1768 min km-dir ki, bunun 443 km-i Azərbaycanda, 249 km-i Gürcüstanda, 1076 km-i Türkiyədədir. Kəmərin ötürmə qabiliyyəti ildə 50 milyon tondan artıq neftdir.

Layihə iştirakçıları BP (30,1%); SOCAR (25%); MOL (8,9%); Equinor (8,71%); TPAO (6,53%); ENI (5%); Itochu (3,4%); ExxonMobil (2,5%); INPEX (2,5%), TotalEnergies (5%) və ONGCVidesh (2,36%) şirkətləridir.

Hazırda BTC neft kəməri ilə "Azəri-Çıraq-Günəşli” yataqlar blokundan neft və "Şahdəniz” yatağından hasil edilən kondensat, həmçinin SOCAR-ın nefti və kondensat nəql edilir.