NATO Ukraynadakı müharibənin dondurulmasını istəmir
19.06.2023 16:48
NATO Ukraynadakı münaqişənin dondurulmasının əleyhinədir. Bu barədə NATO-nun baş katibi Yens Stoltenberq deyib.
Baş katib Almaniyaya səfəri zamanı keçirdiyi mətbuat konfransında bildirib ki, "bütün dünya münaqişənin tezliklə bitməsini istəyir, lakin Rusiyanın diktə etdiyi şərtlərlə onu dondurmaq olmaz".
Alyansın baş katibinin bəyanatı Afrika ölkələrinin nümayəndələrinin Kiyev və Moskvaya səfərindən sonra ilk bəyanatdır .
Daha əvvəl Stoltenberq Kiyevin danışıqlarda hansı şərtlərlə ən yaxşı şərtlərə malik olacağını demişdi. Onun sözlərinə görə, Ukraynanın danışıqlarda mövqeyi onun nə qədər əraziyə nəzarət etməsindən asılı olacaq.
O, həmçinin bildirib ki, Ukraynada sülhün əldə olunması üçün məqbul şərtləri yalnız Kiyev müəyyən edə bilər.
2022-ci il fevralın 24-də Rusiya prezidenti Vladimir Putin LXR və DXR rəhbərlərinin kömək istəyinə cavab olaraq Ukraynada hərbi xüsusi əməliyyat keçirmək qərarına gəldiyini açıqlayıb. Bu gün müharibədən 481 gün keçir. Müharibə nəticəsində dünyada bir çox brend markalar və şəbəkələr Rusiya bazarını tərk etdi. Amerika və Avropanın bir çox ölkəsi Rusiyaya qarşı sərt sankisyalar tətbiq etdi. Lakin buna baxmayaraq Rusiya hərbi əməliyyatları davam etdirmək qərarı verdi.
Gülnar Nazimqızı
www.anews.az
Son xəbərlər 
Daha çox
Foto 
Video 
