Sülh sazişində müharibədən sonrakı reallıqlar nəzərə alınmalıdır - Əliyev
23.06.2023 17:37
Bakı ilə İrəvan arasında sülh sazişində müharibədən sonrakı reallıqlar nəzərə alınmalıdır. Azərtacın xəbərinə görə bunu prezident İlham Əliyev deyib.
"Bu sülh müqaviləsi beynəlxalq hüququn norma və prinsipləri əsasında imzalanmalıdır. Bu sülh sazişində müharibədən sonrakı reallıqlar nəzərə alınmalıdır", - ölkə başçısı Azərbaycanın döyüş bayrağının təqdim edilməsi mərasimində çıxış edərkən bildirib.
Əliyev vurğulayıb ki, Bakı ilə İrəvan arasında sülh danışıqlarının başa çatması həm Azərbaycan, həm də daha çox Ermənistan üçün lazımdır.
"Ermənistan Azərbaycanın ərazi bütövlüyünü tanıyıb. Bu bəyanatlar da kağız üzərində olmalıdır və Ermənistan imzalamalıdır. Yalnız bu halda Cənubi Qafqazda uzunmüddətli sülh hökm sürə bilər", - o əlavə edib.
Azərbaycanla Ermənistan arasında hərbi əməliyyatlar 2020-ci ilin noyabrında üçtərəfli bəyanat ilə dayandırılıb. Bəyanatdan sonra Rusiya sülhməramlıları 5 il müddətində Qarabağa müvəqqəti sülhməramlı kimi yerləşdirilib. Hazırda sülhməramlıların fəliyyətinin 2 il yarımı bitib. Bu dövrdən sonra Azərbaycan Ermənistanla bir çox rəsmi görüşlər keçirib. Hazırda sülh müqaviləsi üzərində danışıq prosesləri gedir.
Gülnar Nazimqızı
www.anews.az
Son xəbərlər 
Daha çox
Foto 
Video 
