Neçirvan Bərzani Əliyevlə görüşə gəlir - Hansı gözləntiləri var?
18.07.2023 11:18
Kürdüstan Bölgəsinin prezidenti Neçirvan Bərzani iyulun 18-də Azərbaycana səfərə gəlib. Bu barədə "Safaq News" agentliyi məlumat yayıb.
Bildirlib ki, səfərin məqsədi Azərbaycanın İraq və Kürdüstan regionu ilə əlaqələrini müzakirə etmək, eləcə də müxtəlif sektorlar üzrə qarşılıqlı faydalı əməkdaşlığın inkişafına təkan verməkdir.
Nəşrin yazdığına görə Azərbaycan prezidenti bu il fevralın 18-də Almaniyada keçirilən Münhen Təhlükəsizlik Konfransında iştirakı çərçivəsində baş tutan görüşdə prezident Bərzaniyə dəvət göndərib.
Siyasi məsələlər üzrə ekspert Tural İsmayılov hesab edir ki, İraq Kürdüstanı Zəngəzur dəhlizinin açılmasında xüsusi maraqları var.
"Bu gün Azərbaycanla İraq arasında həm tarixdən gələn, həm də müasir dövrün geostragesiyasını özündə əks etdirən əlaqələr mövcuddur. İraqda yaşayan türkmənlərlə, eyni zamanda İraqın tarixi ilə Azərbaycan tarixi arasında dərin bağlar mövcuddur. Zəngəzur dəhlizinin formalaşmağından sonra Azərbaycan təkcə regional konteksdə deyil, qlobal anlamda da əsas tranzit və komnukasiya, loqistika mərkəzlərindən biri halına gələcək və burada İraqın xüsusi maraqları mövcuddur. Nəzərə almalıyıq ki, İraq Kürdüstanı kimi həsas bir bölgə var. Həmin bölgə ilə Azərbaycanın münasibətlərinin yaxşı olması bizim üçün də xüsusi əhəmiyyətə malikdir. Bu səfəri kifayət qədər vacib hesab edirəm", -ekspert açıqlamasında vurğulayıb.
Gülnar Nazimqızı
www.anews.az
Oxşar xəbərlər
Oxşar xəbərlər
Siyasət
21:59
Azərbaycanla Kolumbiya arasında mina problemi ilə bağlı əməkdaşlıq məsələsi müzakirə olunub
Siyasət
18:10
Azərbaycan-Ermənistan dövlət sərhədinin delimitasiyası üzrə komissiyaların növbəti iclası Azərbaycanda keçiriləcək
Son xəbərlər 
Daha çox
Foto 
Video 
